Met Magdalene Minnaar (sopraan), Minette du Toit Pearce (mezzosopraan), Louis Loock (tenoor), Conroy Scott (bariton), Kaapstadse Operakoor end Kinderkoor, ’n strykkwartet en Elna van der Merwe (klavier) Met die Suidoosterfees se Operagala-kunstenaars is jy in uitgelese geselskap. Hoe dan anders? Die fees is 21 jaar oud! Desmond Tutu, wêreldwyd gehuldig as die vader van die Reënboognasie, was versot oor opera, en oor Kaapstad Opera het hy gesê: “Die Suid-Afrikaanse stem is uniek, ryk aan kleur en krag, en dit verteenwoordig die land se beste karaktereienskappe. Kaapstad Opera koester daardie stem en voorsien so geleenthede vir ’n rykdom van talent.”
